Еден решителен човек решил да изгради висок, кружен и непробоен стаклен ѕид, во кој никој не би можел да влезе. На тој начин, сметал, ќе биде безбеден. Како одлучил, така постапил. Во мигот кога ја поставил и последната стаклена плочка, сфатил дека во кругот самиот се затворил. Во стаклениот круг можеби навистина никој не ќе може да влезе. Но, сигурно е дека од него никој не ќе може да излезе, вклучувајќи го и неговиот градител. Заштитувајќи се, самиот се заробил.
Љубомир Цуцуловски: КРУГ
