Хрватските фудбалери хероите на Светското првенство во Русија, елиминирајќи ја Англија со 2: 1 во продолженијата, ќе се борат во финале против Франција.
На Хрватите ова им е најголем успех во историјата, и прв пат дојдоа до борба за најголемиот трофеј во светот на фудбалот.
Победничкиот гол го постигна Марио Манџукиќ во 109 минута и така спречи дополнителни стресни пенали.
Англија во раната фаза ги израдува своите навивачи со еден фантастичен гол на Трипие од слободен удар, но Хрватите тргнаа со сите сили да израмнат во второто полувреме , а тоа се случи во 68. минута. Натпреварот го затвори голот на Манџукич во второто продолжение.
Борба и тензии на терен од двете страни, но Хрватска е таа која вечерва слави.
