Во изминатиот период општината Виница во рамки на програмата за работа на градоначалникот Миле Петков заврши со реализација на нови тротоари на три нови локации.
Поплочување со бетонски бекатон павер елементи добија улиците “Никола Карев” и “Јане Сандански” како и влезот на селото Јакимово каде што сега пешаците ќе имаат можност побезбедно минување на овие прометни делници на сообраќајници.
Притоа ваквата реализација на преостанати делници е во тек и ќе бидат реализирани повеќе делници на улици во повеќе населени места во општината.
“
Предизборните ветувања ги реализираме!
Во тек е поплочување на улици во населените места во оваа фаза ќе бидат опфатени улици во Истибања, Липец, Блатец, Пекљани, Драгобраште и Трсино.
Наредната недела започнуваме со асфалтирање и реконструкција на улици во Виница и населените места. Во оваа фаза согласно Договорот кој Општина Виница го има склучено со фирмата “Стоименов” од Кочани ќе бидат опфатени реконструкција на ул. “Ангел Винички, асфалтирање на дел од ул. “Кирил и Методиј” крпење на ударните дупки во градот, асфалтирање на 2 улици во с.Градец и асфалтирање и реконструкција на 2 улици во с.Блатец.
Паралелно работиме на СИТЕ приоритетни(капитални) проекти од изборната програма и на огромен дел од останатите проекти од изборната програма за која #Гарантираме. Некои од нив се во тек, за некои подготвуваме проектна документација, урбанизација или аплицирање/обезбедување на финансиски средства.”
-информираше градоначалникот Миле Петков во врска со реализацијата на овие значајни инфраструктурни проекти за граѓаните во општина Виница.
