Владата на Ксавиер Бетел планира да го укине плаќањето на превозот во возовите, трамваите и автобусите следното лето 2019 година.
Партијата на Бетел, која ќе формира влада со левичарската партија на Социјалистичките работници и со Зелените, главното ветување во кампањата пред изборите беше токму ова прашање – бесплатниот превоз ширум земјата. Фокусот на ветувањата беше пренасочен и на легализирање на канабисот и воведување на два нови државни празници. Луксембург е еден од најгустите сообраќаи во светот и сообраќајните метежи се пречести. Во градот живеат околу 110.000 луѓе, но уште околу 400.000 луѓе секојдневно во градот доаѓаат на работа.
Целата земја има 600.000 жители, но околу 200.000 жители од пограничните региони во Франција, Белгија и Германија секојдневно доаѓаат во Луксембург да работат. Ова лето, владата на Луксембург веќе воведе бесплатен јавен превоз за секое дете и за сите помлади од 20 години. Средношколците пак имаат слободно возење од училиште до дома.
Лицата кои работат во градот плаќаат 2 евра за два часа возење со јавен превоз. Овие два часа ги покриваат речиси сите локации во земјата. Сепак, од 2020 година владата ќе го укине плаќањето на јавниот превоз, а некои детали допрва треба да се решат. На пример, регулирањето на првата класа во возовите.
– Пишува весникот Гардијан.
