Продолжува серијата на протести на ВМРО-ДПМНЕ против актуелната власт предводена од Зоран Заев.
Во попладневните часови во текот на утрешниот ден опозициската ВМРО-ДПМНЕ ги повикува сите граѓани на државата да им се придружат на протестот против неправдите кои што ги наметна актуелната власт во изминатиот период.
Протестот ќе го предводи Претседателот на ВМРО-ДПМНЕ Христијан Мицкоски кој по овој повод упати своја порака преку социјалните мрежи:
“#Македонија
е предводена од анационална власт која тргува со нашето достоинство, држава во која невини лежат во затвор само затоа што ја сакаат Македонија, бидејќи на властодржците Македонија им е трн во око.
Во Македонија под водство на оваа власт крвнички се претепуваат неистомисленици, судските пресуди ги диктира Заев, обвинителството се занимава само со опозицијата која критикува, а преспива на очигледните криминали на власта, врши прогон на медиуми и затвора новинари.
Македонија, исто така е држава во која за убиство во сообраќајка се добива само условна казна и се затвора мајка на мало дете затоа што легално набавила автомобил за потребите на државата, автомобил од кој не слезе Зоран Заев, а се затвора само затоа што е поранешен функционер на ВМРО – ДПМНЕ.
Во Македонија мафијата станува држава и го штити својот криминал и затоа – излегуваме на улица да им кажеме дека е доста! Ако неправдата е закон, тогаш улицата е нашиот одговор. До финална победа!
Среда во 
18.30 часот, од 
министерството за (не)правда до Основен суд 1,
ПРОТЕСТ ПРОТИВ СИТЕ НЕПРАВДИ”
