Претседателот на ВМРО-ДПМНЕ Христијан Мицкоски денеска зеде учество на Конференцијата во организација на фондацијата “Конрад Аденауер”, заедно со лидерите на Алијанса за албанците на Зијадин Села и Алтернатива на Африм Гаши кои што исто така се од конзервативна десничарска провиниенција.
“Цениме дека како десничарски конзервативни партии, сестрински партии во рамките на Европската народна партија заедно со нашите пријатели во Македонија тоа е Алијансата на Албанците и Алтернатива можеме и те како да допринесеме во иднина за брз напредок на Македонија во рамките на евроинтеграции, спроведување на реформскиот процес се разбира и практично на македонските граѓани без разлика на нивната етничка припадност, политичка припадност иако можеби понекогаш за некои теми имаме различни мислења. Но, она кое што денеска нас не обединува е нашата десна конзервативна идеологија.
Но, истовремено тука пред се, се реформите. Би сакал да ги нагласам и борбата против корупцијата и криминалот. Веруваме дека како сестрински партии, како десни конзервативни партии можеме и овој процес да го акцелерираме и Македонија да биде што поскоро дел од Обединетото Европско семејство.”
-соопшти Христијан Мицкоски во врска со овој настан.
