Сретнав многу жени во мојот живот но има еден посебен вид на т.н. харизматични жени кои восхитуваат со својата личност!
Анализирајќи ги сфатив дека кај сите од нив постојат заеднички карактеристики а тоа воопшто и никогаш немаше врска со нивната убавина, богатство, слава или моќ!
Овие харизматични жени-
1. Никогаш не се очајни, очајни да бидат со некој маж, да имаат познаници, пријатели, следбеници или лајкови! Тие ја знаат сооствената вредност и знаат како треба да бидат третирани. Тие како постојано да ви велат – јас заслужувам почит! Точно онаа почит којашто тие ја даваат на другите. Се однесуваат еднакво со сите сталежи на социјалната скала. Знаат дека богатството не ја носи почитта. Тие зборуваат, прават, мислат и чувствуваат во единство!
2. Не прават драми! Овие жени знаат дека драмата секогаш значи несовладана битка внатре самата себе си! Доколку се видат себе си во ова светло веднаш почнуваат да работат на себе!
3. Не се љубоморни на туѓиот успех, напротив тој ги мотивира и тие да станат уште подобри! Не се злобни во налет на љубомора, не се пасивно агресивни, не прават булинг ниту манипулираат. 3. Сакаат фини работи во животот, затоа многу често ги ставаат во ист кош со материјалистките што е многу не праведно! Затоа што овие жени не се опседнати со луксузот туку со славењето на убавината на животот! Материјалното нив не ги дефинира како вредност или како идентитет! Се еднесуваат исто кога пијат шампањ или обрано млеко! Ќе ви создадат мал рај и во за другите невозможни услови!
4. Имаат исклучителна самодоверба! Не се чувствуваат како мал глушец каде и да одат, туку веруваат во својата внатрешна вредност затоа секогаш носат насмевка на лицето и се држат исправено. Знаат дека се е променливо во животот, веруваат дека најдоброто доаѓа кај нив без разлика на годините!
5. Зборуваат директно и без манипулации, мислењето на другите луѓе нив не ги дефинираат, туку се свесни дека секој има сопствена перспектива и тргнува од себе си во описот на другиот!
6. Постојано го слават животот! Го бришат она кое им создава болка! Постојано се среќни и знаат дека среќата е заразна и дека таа ќе се прошири на своите најмили и на оние со кои доаѓаат во контакт!
7. Никогаш не гледаат кон другите луѓе од височина! Тие се свесни дека таквото однесување и припаѓа само на најниската класа!
8. Овие жени елегантни се дома подеднакво како и на улица. Живеат едноставно, но знаат да бидат и гламурозни. Но нивниот гламур е ненаметливоста, не одат како накитени елки ниту во искинати фармерки без разлика од трендот!
9. Помагаат на другите, уплаќаат донации, волонтираат, подаруваат но тоа освен нив никој не го знае!
10. Дискрецијата и балансот се другите имиња на овие посебни жени, кои иако ретки сепак постојат!
Пишува: Mimoza Rajl
