Видео игрите како медиум на денешно време имаат огромна улога во формирањето на карактерот на децата во иднина.
Современите технологи и начини на забава помеѓу помладите генерации претставуваат нивен нераскинлив дел од нивното секојдневие, на што посветуваат огромен дел од своето влијание.
Содржински модерните видео игри се се’ повеќе развиваат на ниво на филмски сценарија, кои многу често и преку продолженија прераснуваат во култови на забава во чии што кругови ликовите на карактерите од тие игри доживуваат огромно значење.
Неодамна на голема врата помеѓу гејмерските кругови беше објавено демо изданието на играта “Fragile” која што се развива од страна на монголски тим кој што според првичните реакции на интернет заедницата и повеќе Vlog-ови претставува своевидна ренесанса за овој тип на игри, особено поради фактот што во целост играта е создадена од луѓе со досега не толку афирмирана култура и воопшто општественост како што е Монголија.
Реакциите се повеќе од импресивни а она што може да се забележи од гејмплејот на објавената демо верзија можеме да заклучиме дека станува збор не само за уште една игра, туку нешто навистина многу повеќе.
Во Македонија освен неколку ретки поединци кои се занимаваат со илустрација на компјутерски игри, стрип цртеж и овој вид на современа уметност, нашата држава не може да се пофали со развоја на ваков вид на технологии, податок што за иднина претставува своевиден лајт мотив поголема енергија, знаење и ресурси да бидат насочени во оваа насока, затоа што Македонската култура и воопшто начин на размислување веруваме дека има што да понуди како вредност на светска сцена.
