Група лекари како и вработени луќе како дел од медицинскиот персонал во Општата Болница со Проширени дејности во Кочани до нас доставија писмена реакција во врска со најавите на Министерот за здравство Венко Филипче за затварање на дел од болниците меѓу кои е и оваа здравствена установа.
Истата ја пренесуваме интегрално:
Доаѓа лошо време за пациентите коишто гравитираат кон Кочанската болница!
Имено, Венко Филипче, министер за здравство во владата на Зоран Заев деновиве најави затворање на нашата болница. Ќе ни каже ли министерот каде ќе одат пациентите од Источно-Брегалничкиот регион?
ЈЗУ ,,О.Б. со проширени дејности”- Кочани обслужува околу 110-120 000 жители.
За потсетување: Имаме вработувања, имаме испратено лекари на специјализација од кои дел се веќе вратени, а дел за некоја година – две ќе се вратат, се донесе опрема и почнавме да функционираме. Но во последните две години создава вештачки дефицит со уништување на ноќните дежурства во повеќе служби (лабораторија, рендген а сега веќе и уништување на дежурствата во ургентниот центар каде доаѓаат интернисти, хирурзи, анестезиолози, педијатри, невролози, психијатри- место каде што доаѓаат со еден збор – животозагрозени пациенти.
Се поставува прашањето: Каде ќе одат пациентите????
Изградбата на новиот Клинички центар во Штип е стопирана, а останатите јавни здравствени установи во Скопје немаат доволен капацитет да ги примаат и згрижат правовремено. Кај Нас, во Кочани поминуваат секојдневно Инфаркти и Мозочни удари! Без нашата болница пациентите од Малешевијата временски се осудени на смрт! И тоа само на патот до Штип, Скопје е веќе мисловна именка! Да не разговараме на Темата како и од кои средства е направена Кочанската болница за да се распродава. Останува само Приватното здравство како алтернатива и тоа само за оние кои можат да си го дозволат тоа – а тоа е само мал процент од граѓаните т.н. 1/ процент!?
Господине Министер! Не постои држава во светот каде што не постои јавно здравство кое пред се не треба да биде рентабилно (а и никаде не е) но треба да биде во функција на граѓаните т.е. пациентите.
Што се однесува до празните ходници- повелете од понеделник до петок да не посетете, проверете во Мој термин кој Д-р колку прeгледал, колку се примени и колку се дијагностицирани!? Кочанската болница има искористеност над 70 %, а тоа е далеку од 1%, нели Г-не Министер?
И за КРАЈ: Сетете се на Хипократовата заклетва!
Лекарите од ЈЗУ О.Б. Кочани со проширени дејности, заедно со медицинскиот и техничкиот персонал
