Од Општинскиот комитет на ВМРО-ДПМНЕ од Лозово во јавноста упатија повеќе прашања од интерес на граѓаните на оваа рурална општина во Источна Македонија, кои се однесуваат на квалитетот на водата за пиење која ја користат жителите.
“Безбедна вода за пиење е широк поим кој го дефинира квалитетот и безбедноста на водата за пиење. Имено,тоа подразбира не само водата да биде хемиски и бактериолошки исправна, туку подразбира и безбедност на самото место од каде што потекнува водата за пиење, а тоа се изворите, дупчените или копаните бунари, акумулациите и така натаму.Меѓутоа како што можете да забележите од сликите во прилог, Градоначалникот во заминување, Ацо Велковски, воопшто не води грижа за квалитетот на водата за пиење која ја консумираат граѓаните во населеното место Каратманово , туку главниот фокус го става на изработка на кич проекти кои никако не допринесуваат во подобрување на квалитетот на животот на Граѓаните на територијата на општина Лозово. Пример за тоа е најавената изградба за „Светилник“,чија намена воопшто не заслужува коментар!
Затоа јавно би го прашале Велковски:
-Дали знае дека дека водата е од суштинско значење за одржување на животот и дека достапноста на вода во количини и квалитет доволна да се задоволат основните човечки потреби е предуслов за подобрување на здравјето и за одржлив развој?
-Дали Локалната Самоуправа има воспоставено било каков систем за надзор над болести поврзани со водата , системи за рано предупредување , системи за за превенција, контрола и намалување на болестите поврзани со водата и сл.
-Дали и кога, според “Правилникот за барања за безбедност и квалитет на водата за пиење” се врши:
1.Основен преглед;
2.Периодичен преглед;
3.Преглед при “нови зафати”;
4.Преглед по хигенско-епидемиолошки индикации?
И каде се објавени резултатите доколку ги има?
-Дали Градоначалникот Велковски или неговото семејство кое живее во Германија, пие контаминирана вода од извори во кои има остатоци од мртви змии и глодари?
-Дали е извршена коагулација, таложење, филтрација, дезинфекција и други дејства во зависност од видот на сировата вода?-Дали е поставена забрана за користење на водата до отстранување на сите можни причинители на болести кои би се јавиле од консумирање на контаминираната вода?
-Дали е обезбедена е цистерна што ќе доаѓа да ги снабдува луѓето во ова населено место?
-Дали треба да се случи епидемија за Велковски да превземе било какви дејствија кои би требало да ги превземе како прв човек на Општината?
Ова се прашањата на кои треба да одговори Велковски!! Ова се елементарните проблеми со кои се соочуваат граѓаните на општина Лозово!! Велковски, да се има безбедна вода за пиење и основна санитација е човечка потреба и основно човеково право за секој маж, жена и дете. На луѓето им е потребна безбедна вода за пиење, хигиена и санитација (канализација и пречистување на отпадните води) за да го одржат своето здравје и достоинство а не „Железни коњи“ ,„Макети на Антени“, „Светилници“ ,„Железни дрва“ и останати Кич Проекти!!
Народот ГЛЕДА и ке КАЗНИ !!!
п. с. „Водата е живот, безбедна вода значи здравје“- А. Хепбурн”
-стои во пишаната реакција на ОК на ВМРО-ДПМНЕ Лозово.
