Премиерот на Владата Димитар Ковачевски денеска зеде учество на форумот насловен „Сега или никогаш: Откривање на европската иднина за Западен Балкан“ кој што се одржува во Братислава во контекст на геостратешките интереси на регионот.
“На денешниот панел „Сега или никогаш: Откривање на европската иднина за Западен Балкан“ на ГлобСек 2022 форумот во Братислава, разговаравме за итната потреба ЕУ да испорача европски вредности, и да го истисне влијанието на трети страни врз Балканот.
Дискутиравме и за војната во Украина и за фактот дека со САД и ЕУ избравме да бидеме на вистинската страна на историјата.
Тема беше и Отворен Балкан кој е особено значаен бидејќи е практична примена на четирите слободи, слободно движење на стоки, трговија, луѓе и услуги.”
-информираше Димитар Ковачевски од Братислава.
