Претседателот на Општинскиот комитет на ВМРО-ДПМНЕ од Штип, Иван Јорданов, упати јавно обвинување кон актуелните власти во врска со нивните нереализирани предизборни ветувања кога СДСМ ветувале 4 базени за Штип и Штипјани, а денеска сме сведоци дека и тој еден базен кој го има во Штип и тој бил затворен.
Целата реакција на Иван Јорданов од ВМРО-ДПМНЕ ја пренесуваме во продолжение:
Сите ги затворија ниту еден не отворија!🏊♂️
За прв пат после долги години Штип остана без базен. Радоста од завршувањето на учебната година и заминување на базен која низ годините беше традиција пред се за најмладите, а потоа и постарите, за жал оваа година е ускратена.
Актуелната локална власт и нејзините лидери најавуваа дури 4 базени. Од ветеното нема ништо. Го нема најголемиот Аквапарк во Источна Македонија, ги нема ниту отворениот ниту затворениот базен, ниту пак има трага од најавениот базен кај училиштето Димитар Влахов.
Ветувања насекаде реализација никаде. Поради неспособната и пред се поради манипулациите кои ги прават локалните власти, граѓаните на Штип ова лето спас од горештините ќе бараат во некој од соседните градови каде има базен или во некоја соседна држава.
За жал немањето на базен ќе значи и немање можност за рекреирање и спортување за пливачките таленти од нашиот град.
Оваа слика од затвораење и ништо не отворање со оваа локална власт е наше секојдневие.
Затоа се потребни промени. Промени кои ќе дојдат со заминување на оваа власт во политичка историја. Историја во која ќе стои дека не направиле ништо за доброто на граѓаните.



