Соопштение до јавноста по повод Првата европска конференција за Македонија во организација на Македонската дијаспора од Координативното тело во Европа, упатија од ова организационо тело на Македонците во странство, кое во целост го пренесуваме во продолжение:
На 25.5.2019 во Виена се одржа Првата европска конференција за Македонија во организација на Македонската дијаспора Координативното тело Европа. На конференцијата учествуваа партии, здруженија и оргнизации од Македонија и делегати и гости на Координативното тело од Европа.
Почесни гости беа и поранешен амбасадор на Австрија во Македонија, Директор на политички институт од Виена како и други политички претставници од Австрија.
На самата конференција се запознавме со ситуацијата во Македонија и се согласивме околу суштинскте проблеми и се фокусиравме на надминување на разликите и изнајдување решенија за заеднички настап и здружување во трет партнерски блок помеѓу Македонците дома, Македонците во соседните држави и Македонците во светот со цел обезбедување на национална стратегија, преку која би ги вратиле и своите елементарни човекови права, кои му се на Македонскиот народ одземени незаконско и спротивно на сите меѓународни акти .
Исто така на конференцијата беше нагласено дека на Македонија и треба платформа од третиот блок, не лидери, за заедничко формирање на идна влада, која ќе можи да ги оспори и поништи сите незаконски спогодби, со кои актуелната нелегитмна влада ја доведе државата Македонија во потчинетост и историско и административно ги избриша името, идентитетот на народот и јазикот.
Делбите помеѓу македонскиот народ се по сите можни нивоа, антимакедонската пропаганда е најдлабоко навлезена во сите општестевни пори, со години се вршат национални, идеолошки, верски поделби додека критичната маса се репресивно заќутува. Затоа од конференцијата испраќаме посебен апел за сериозно сфаќање на ситуацијата и за соединување на сите македонски здрави сили во Македонија, соседството и во светот со цел конечно ослободување од прангите на овој биполарен политички систем, кој македонскиот народ го турка во небиднина а државата во нови територијални поделби.
