Извршната наредба на Џо Бајден за задолжителна вакцинација на вработените во компании со повеќе од 100 вработени или да бидат тестирани неделно е блокирана привремено од страна на судските власти во САД.
Ваквата блокада следува по тужбата на пет сојузни држави раководени од републиканска власт како и приватни компании и религиозни групи против обврзувачкото дејство на наредбата на Бајден.
Блокадата од судот налага неговата администрација да одговори до понеделник (утре) за обвинувањата во врска спрекршување на уставни одредби и човекови права и пречекорување на овластувањата што ги има како Претседател на САД.
Џеф Ландри кој што е главен јавен обвинител во Луизијана на твитер соопшти дека одлуката на судот е голема победа за слободата креаторите на ранотни места и нивние вработени.
Во четвртокот Бајден соопшти дека врабботените во големите компании мора да бидат целосно вакцинирани до 4 јануари, нарекувајки ја вакцинацијата единствен пат за излез од пандемијата.
Голем број на бизниси во САД веќе задолжително бараат од своите вработени да бидат целосно вакцинирани. Исто така вакви задолжителни насоки за вакцинација постојат кај воениот и федералните фирми соработници на владата на САД.
Но противниците велат дека не е уставно претседателот да налага вакво правило за целата земја.
Републиканскиот гувернер на Тексас Грег Абот кој што се спротивставуваше на задолжителноста на вакцините и маските, аплаудирал на ваквата одлука на судот за запирање на наредбата на Бајден.
