Фронтменот и вокал на легендарната хеви метал група Iron Maiden, Брус Дикинсон го брани Брегзит-от и вели декa е “особено релаксиран поради таа идеја” дека Обединетото кралство ќе ја напушти Европската Унија во март 2019 година.
Во Обединетото кралство во 2016 година се одржа референдум по прашањето дали земјата треба да остане во ЕУ или да ја напушти, со исход од 52% гласачи кои гласаа за напуштање на ЕУ и 48% кои гласаа против напуштање на ЕУ.
Ваквата одлука не само што ја подели земјата туку ги подели и политичарите, но Дикинсон вели дека е “особено релаксиран поради таа идеја” дека Обединетото кралство ќе ја напушти ЕУ во март наредната година.
Во видео за францускиот информативен магазин L’Obs, Дикинсон вели:
Ако музичари ја раководaт Европа, Европа ќе функционира подобро затоа што сите ние (музичарите) се сложуваме меѓусебно и велиме “Да” (Yeah).
Музиката на Iron Maiden е глобална музика-ние имаме фанови насекаде. Не гледам дека имаме проблеми кога правиме туреја во Австралија, која не е дел од ЕУ. Исто така немаме проблем кога одиме во Јапонија, кој не е дел од ЕУ. Не гледам проблем кога настапуваме во Америка, чекај да проверам-и тие не се дел од ЕУ. Дали нивните музичари имаат проблем кога доаѓаат во Европа? Не!
Интересно за Брегзитот е што јас сум еден од оние луѓе кои гласаа за истиот. И сум релаксиран поради оваа идеја.
Има многу глупости и приказни за застрашување кои се измислуваат од обете страни, што сметам дека е детинесто. Брегзитот ќе овозможи да бидеме далеку пофлексибилни и мислам дека луѓето во Европа можат тоа да го искористат.
Дикинсон продолжува:
Она што е видливо во моментот е фактот што ЕУ не си ја врши добро својата работа во задоволување на демократиите во Европа.
Многу народи, не само оние што се за Брегзит- дали тоа се Италјанци, Грци, Унгарци, Каталонци или кои и да се-сите тие имаат големи популистички движење. Тоа е затоа што нивните демократски потреби не се слушаат во Брисел.
Погледнете го целото интервју на фронтменот и вокал на светски познатата метал група Iron Maiden.
Превземено од: www.loudersound.com
