Деновиве заврши изградбата на новата велосипедска патека покрај реката Брегалница која што беше едно од очекуваните и реализирани ветувања на градоначалникот Иван Јорданов.
Оваа велосипетска патека која доаѓа како надополнување на веќе постојната рекреативна пешачка патека во изминатите неколку денови беше асфалтирана на потегот од населбата “Балканска” до населба “8-ми Ноември” во Штип. Убавината и уникатноста на овој инфраструктурен проект е ѓто патеката е локализирана во прекрасен природен амбиент покрај реката Брегалница што ја чини ваков редок проект во регионот. Претходно беше завршена првата делница на релација од Ново Село до населба “8- ми Ноември”.
Велосипедската патека е целосно осветлена за вечерно користење на истата и е со вкупна должина од 6,5 километри. Овој проект беше утврден како приоритет на голем број штипјани кои претходно ја користеа пешачката патека а проширувањето со велосипедска патека е направено за поголема безбедност на пешаците.
Во продолжение пренесуваме видео објава на градоначалникот Иван Јорданов за тоа како изгледаше процесот на изградба на самата патека.
