По денешната пресуда со која е осуден новинарот Александар Митовски кој што е и уредник на порталот Инфомакс, на 6 месеци затвор, на социјалните мрежи своја остра реакција упати Претседателот на ВМРО-ДПМНЕ Христијан Мицкоски.
Истата ја пренесуваме во целост:
” “Tрас-трас” судството на Заев донесе одлука со која осуди новинар на условна затворска казна затoа што пишувал за „Рекет“. Значи, во хибридниот режим на Заев криминалот се простува, ама се казнува пишувањето за тој криминал.
Слободата на медиумите е погазена, а оваа област само ја следи катастрофата што се случува во сите други полиња. Поддршка за новинарите и медиумите, без оглед на кој медиум припаѓаат, да пишуваат и да се изразуваат слободно. Замолкната правда од „Луј Витон“ судството не смее да ги замолкне медиумите, вистината ќе се дознае, а Рекетот е само мало делче од криминалниот мозаик на власта кои ќе се распрсне на 12ти април. “
