Лојд Расел Мојл мавташе со симболот на авторитетот на Кралицата за да го искаже својот револт за одложувањето на дебатата за Брегзит во Британскиот парламент.
Понеделничката дебата за одлуката на Тереза Меј да го отповика гласањето за Брегзит, заврши со скандалозна драма откако лабуристички пратеник го зеде во своите раце церемонијалното жезло кое што го симболизира авторитетот на Кралицата во Британскиот парламент.
Без постоење на ова церемонијално жезло, поставено на за него предвиденото место, парламентот, не може да носи одлуки или да донесува закони.
Откако владата претходно изјави дека нема да продолжи со дебатата за договорот за повлекување на Велика Британија од членството во ЕУ, пратеникот на Лабуристичката партија Лојд Расел Мојл, одмаршира до церемонијалното жезло и истото го зеде во свои раце по што се обиде да го изнесе надвор, во што беше спречен од една од службеничките во парламентот.
Притоа пратениците на Конзервативната партија извикуваа “срамота” и “избркајте го”.
За оваа негова постапка пратеникот на лабуристите беше суспендиран за остатокот од седницата.
