Скриено под превезот на ,,повисоката цел”, ВЧЕРА, времената администрација во Македонија, олицетворена како институција-Влада на Р.Македонија го направи најголемиот историски преседан.
Дали најконтроверзната личност во Македонија, пред и после Втората светска војна, за која сме учеле и истражувале дека е најголемиот сатрап, под силна полициска опсада (ама буквално), без никаков политички фит-бек или рационален консензус беше прифатена и инсталирана како иден мост за градење пријателство меѓу две држави??
Дали боцкањето во болните македонски точки и пукањето во нерв е начин да се привлечат гласови и подржувачи од страна на оваа Власт, ама ич не ми е јасно и дали таа ,,повисока цел” има граници, начела, идентитет и реално име??
Дали немаше да биде многу помудро ако веќе се отвора таков клуб на пријателство да биде лик и репер кој живеел, работел, творел (ама позитивен пример на соживот?!), некој како Пеју Јаворов, соработник, помошник на Гоце, и како таков , и да е Бугарин, полесно ќе влезеше во срцата на Македонците, отколку вака, на овој дрзок, безобразен чин на понижување?! Ваквите политички благи обланди, сме ги учеле и голтале како мирнодопски начин на асимилација и инфилтрација без консултација со граѓаните, како начин да се умртви македонскиот сенс за свое…нејсе, секоја историја има ликови со кои не може и не треба да се гордее…а доколку ова е МОСТОТ, преку кој оваа ВЛАДА, ќе гради пријателства, само ги оддалечува двата народа. Еве, утрово како и за секој празник мене ми честитаа Цветници-влегувањето на Исус во Ерусалим, моите пријатели од Бугарија, кои си се Бугари ама знаат да почитуваат човечност, комшија, другар, пријател…погрешната политика која ја ,,води” оваа Влада не е причина ние кои живееме и се почитуваме со години, да го сопреме нашето пријателство! НЗС од сето вчера е:Времената администрација направи да се чувствуваме како времена територија.
Образложение: Заев кажа некни од Грција дека сега сме побезбедни.
Дали е така, ако геополитички свесно одиме во друг правец?! И дали се среќни мнозинството граѓани Македонци (тука не мислам на одредени министри кои даваат изјави во корист на други соседни држави) од отворањето на овој, ваков, т.н. МОСТ на пријателство и каде е тука реципроцитетот??
Пишува: Гоце Марков
