Денеска Претседателот на ВМРО-ДПМНЕ Христијан Мицкоски заедно со дел од партискиот тим за економски политики имаше средба со претставници на Стопанската комора во Битола.
На состанокот беле разговарани теми поврзани со актуелната економска состојба во државата како и владините политики кои директно се рефлектираат врз стопанството и економијата но и економската моќ на граѓаните.
Во изјава за медиумите денеска од Битола, претседателот на опозициската ВМРО-ДПМНЕ, Христијан Мицкоски јавно ја соопшти поразителната вистина која што на секој еден искрен граѓанин му е јасна дека владата со своите хазардерски политики е највиновна и најодговорна за лошиот економски стандард во државата.
“Денеска сме овде во Битола само што завршивме со состанокот со Стопанската комора во Битола, разговаравме со стопанствениците за она како тие ја гледаат реалноста, не онаа реалност којашто се сервира преку Илинденска број 2, Зоран Заев и СДСМ.
Луѓето го кажаа своето мислење, дека тешко се работи дека од ветената помош буквално нема ништо, никаков ефект, мака мачат од први до први да обезбедат плата за вработените и да ги задржат вработените, да го задржат својот бизнис. Тоа се луѓе коишто го граделе својот бизнис неколку децении, разочарани се од неефикасноста на администрацијата од локалната самоуправа. Генерално ги презентираа своите гледишта околу тоа како треба да се развива Битола, и дадоа свои коментари и совети за централната власт, односно Владата со какво внимание и со кое внимание треба да се посвети на Битола и околината на Битола. И генерално за Пелагонискиот регион проблем останува високото ниво на криминал и корупција она коешто го нотираат и меѓународните институции како што е Транспаренси интернешнл,”
-соопшти Мицкоски по средбата.
Целата изјава во врска со оваа средба како и одговорите на повеќе новинарски прашања поврзани со актуелната политичка состојба на Мицкоски погледнете ги во видеото во продолжение:
