Во врска со актуелниот Попис кој што институциите во Македонија го спроведуваат, со свое соопштение во јавноста се обратија од Координативното тело на Македонците во Европа.
Во продолжение интегрално го пренесуваме текстот на нивното соопштение:
“Прекин на започнатиот политички отпис на Македонецот и создавање услови за статистички попис
За да се добие поширока информативност и слика за пописот кај Македонците надвор од Македонија, се одржаа две јавни дебати, каде се слушнаа мислењата на одредени политички и државни личности, како и ставовите на поединци и организации по тоа прашање .
Како резултат на анализите од дебатите а имајќи го во предвид севкупниот сомнителен политички процес, се донесе заклучок за Прекин на Пописот 2021, се додека не се создадат услови за правилен и праведен статистички попис.
Како главни причини за прекин на Пописот 2021 се наведуваат:
1. Бришење на македонскиот народ и негово претопување во етничка заедница;
2. Неусогласеноста на методологијата со пописните стандарди на Евростат и ООН;
3. Сомневање во пописен фалсификат и заговор на веќе договорени резултати (политички договор а не статистички);
4. Употребата на странски софтвер без доволна транспарентност на податоците како и можностите за технички напади на истиот.
5. Немањето на никаква надворешна и експертска контрола врз пописот;
6. Попишување со матични броеви на починати лица;7. Попишување на нерезидентно население повеќе од 12 месеци;
9. Недовербата и нетранспарентноста на организаторот, како и собраните 100.000 потписи на опозицијата за одложување на пописот.
Водејќи се од погоре наведените факти и аргументи а и во интерес на зачувување на здравјето како најдрагоцено богатство на секој човек , пописот треба да се прекине и да се учествува само тогаш кога сите услови ќе бидат создадени.
Координативно тело на Македонците во светот
16 септември , 2021 година,
Женева, Берлин, Лондон, Брисел, Хелсинки, Њујорк , Сиднеј, Мелбурн, Торонто.”
