Планинарскиот клуб “Сакам планинарење” во јавноста упати своја протестна нота во врска со означувањето на топонимот “Голем Кораб”-врвот на Шар Планина.
Планинарската група соопштува дека името на овој геогравски топоним е означено на албански и англиски јазик без присуство на Македонскиот јазик.
Секоја година традиционално оваа планинарска група учествува во искачувањето на овој планински врв по повод денеод на независноста на Република Македонија, но поради тоа што овој проблем е присутен уште од минатата година а надлежните не реагирале соодветно за да ја исправат оваа несоодветна состојба, оваа година групата протестно го откажува своето учество на овој планинарски марш.
Во продолжение во целост ја пренесуваме нивната реакција упатена преку социјалните мрежи:
“По повод традиционалното искачување на највисокиот врв во Македонија, Кораб, нашиот клуб I love hiking group Macedonia, ја известува јавноста, нашите членови и симпатизери, дека оваа година нема да се приклучиме и да учествуваме во традиционалното искачување на највисокиот врв.Имено, пред една година од соседна Р. Албанија горе е поставена табла на која се означува врвот на два јазика, англиски и албански. Воопшто, не пречи што е на албански, проблем е што нема ознака на МАКЕДОНСКИ јазик. Затоа, упатуваме критика до нашата Федерација за планинарство на Македонија, која не успеа во рок од една година да се ангажира и да направи некаква промена.Како да славиме ден на независност на Македонија, на јазик кој не е наш!? Тоа е единствената причина што ние како клуб нема да се приклучиме на традиционалното искачување на голем Кораб и ги замолуваме нашите симпатизери да ја сфатат нашата реакција и да го применат единственото решение за да бидеме слушнати од институцијата која е задолжена за овој проблем, а тоа е ФПСМ (Федерација на планинарство на Македонија), да го реши нашиот, а и проблемот на сите кои живеат во Македонија. На највисокиот врв во Македонија да има обележје и на македонски јазик.”
