Подгревањето и провоцирањето на немири, насилство, пресметки, омраза во кои насилникот не е подготвен да оди до крај до конечна победа, е манипулација за јавноста да биде заплашена, по што странските центри на моќ ќе си го истераат сценариото што го предвиделе.
Во ова сценарио страдаат најчесто невини поединци преку чиј пример за прогон од страна на посилната страна во конфликтот (во случајот полицијата) се упатува порака кон сите кои размислуваат за вакво сценарио.
Насилните протести можат да доведат до промена на политиките на власта и дури и до пад на самата власт само ако насилните протестанти имаат обезбедено поддршка од далеку посилен надворешен политички центар на моќ.
Македонскиот народ никогаш нити имал нити ке има успех во борбата за своите интереси, по пат на сила.
АСНОМ 1944 година е резултат на насилен преврат на власта (фашистичката окупаторска) само и единствено поради геостратешките околности кои се случувале на меѓународен план. Инаку ни со АСНОМ не сме ја добиле слободата…. Никогаш вистински не сме биле слободни како Македонски народ! Ни во 1991 година кога прогласивме независност не сме биле вистински слободни… кога повторно поради пошироки геостратешки интереси Македонија прогласи привидна незавиност.
Македонија е важна геостратешка локација во светот! Но она што е далеку поважно и што “тежи” околу врат на сегашната генарација Македонци се Македонскиот национален идентитет, вредности, култура, јазик… Тие се оставштина на цела една цивилизациска линија на постоење која е предвидено да исчезне, за да отстапи место на новата светска идеологија, идентитет, вредности…. систем на ограничена и привидна слобода во која секој поединец е слободен толку колку што помоќниот и посилниот ќе му дозволи…. Тоа е новиот светски поредок во кој нема место за свет без граници и неприкосновена вистинска и суштинска еднаквост меѓу народите со сите нивни културолошки и идентитетски специфики… Нешто што останало втемелено во битот на Македонскиот национален идентитет од времето пред Александар III Македонски.
Пишува: Кирчо Анастасов
