Протетичките екстремитети најчесто се создадени за функционалност, а не за изглед. Иако ова е логично, сепак може да биде проблем за луѓето кои сакаат да изгледаат модерно. Затоа, канадската компанија „Alleles“ се погрижила за тоа.
„Кога почнавме со работа, се обидувавме да решиме стилски проблем,“ објаснува основачот на компанијата. „Со денешната технологија ние се обидуваме да создадеме протези кои не само што се функционални, туку се и модерни.“
Овие дизајни кои се прават по мерка, чинат 325 канадски долари, но артистите во компанијата создаваат и оригинални дизајни со цена од 1.500 американски долари. Овие протези им го промениле животот на многу луѓе.
„Модата може да ти го промени животот, а ние го докажавме тоа“, изјавил еден од основачите на фирмата.
