Со цел да го исчистите целосно организмот, а притоа да не ги оштетите другите органи, пробајте го овој домашен рецепт кој ни доаѓа од Германија.
Потребни состојки:
- 4 лимони
- 1 парче корен од ѓумбир
- 2 литра вода
- 4-5 чешниња лук
- 2 лажици мед
Темелно исперете го лимонот и прелијте го со зовриена вода со цел да ги отстраните сите нечистотии. Потоа извадете го од водата и исечкајте го на тенки кругови. Исчистете ги и ѓумбирот и лукот, исечкајте ги и ставете ги во блендер или смелете ги со машина за мелење месо.
Ставете го лимонот во тенџере од 3 литри или повеќе. Во друго тенџере сварете 2 литра вода и оставете ја да се олади на околу 60 степени. Во водата ставете ги лукот, ѓумбирот и медот. Сè добро измешајте па префрлете во тенџерето со лимонот.
Оставете да врие околу 2 часа, па тргнете го оган. Кога ќе се олади, префрлете ја мешавината во тегла од 3 литра. Вашиот лек е подготвен.
