СтеФчо вели “Народот бил подготвен како никогаш досега…” само Мицкоски требало да каже и…..
И? Што и? дали тоа Стефчо сугерира на насилство?, тепање полиција? Упад во некоја институција? Палење? Крв? Можеби убиства по улици???? Зошто Стефчо до крај не се произнесе што точно требало да направи Христијан Мицкоски, за тој и неколкумината негови истомисленици да бидат задоволни?
Притоа СтеФчо не пропушта да пушти во негов “мангупски” стил некој “рекла-кажала” ала Васко Хефталица-муабет, на кој што како муви на измет се лепат опортунисти кои не им недостига “алаш-балаш” експертиза во нивното секојдневие за се’ па и за политика.
Изолирани маргиналци распространети на сите мередијани (на најфин начин кажано) трубат колку што ги држи глас дека ВМРО низ историјата како организација била порешителна кога станувало збор за остварување на нејзините интереси, а не е тајна дека поединци во ВМРО низ историјата применувале и физичко насилство со физичка елиминација на неистомислениците. И ревносно наведуваат некој друг во име на ВМРО-ДПМНЕ да дал наредба за порадикално справување со денешните премрежја.
Ваквото дилетантско однесување, без разлика дали станува збор за умисла или наивна “калпавштина” е секако дозволено во демократски околини кон кои се стремиме како општество, но сепак процесите и околностите се далеку пресериозни за да се дозволи ваков дилетантизам да ја дефинира иднината на целиот наш народ.
И СтеФчо и овие вторите веројатно не се свесни или така се прават поради некаква само ним позната агенда, дека ВМРО-ДПМНЕ е ПОЛИТИЧКА партија во 21 век во Македонија-земја која живее со бремето во кое послабиот и помалубројниот не може со сила да се бори против посилните и помногубројните, затоа што
-само ќе нанесе зло на поединци чии што животи ќе бидат уништени или загубени (пр. војната во 2001 и упадот во собранието на 27 април 2017 година),
-ќе предизвика меѓународна изолација за Македонија која ќе се претвори во социјална катаклизма и миграција на Македонците (нешто на што сме сведоци во континуитет, но оваа актуелна власт покажа дека “секогаш можат повеќе и посилно”),
-цела генерација Македонци ќе биде жигосана со сите недемократски епитети својствени за ваков вид на режими кои со физичка сила решаваат политички прашања, од страна на бирократизираната Европа и т.н. западен свет.
И ако овие причини не се доволни за разумни поединци-интелектуалци за какви се декларираат голем процент од нашата популација, да биде зауздан анималистичкиот порив за себепромоција преку лажен патриотизам, тогаш неминовно времето и историјата ќе си го одработат своето на потешкиот начин да биде изминат трнливиот пат кон посакуваната цел.
Македонија и Македонскиот народ а со тоа и ВМРО-ДПМНЕ како најрепрезентативна политичка сила која ја застапува волјата но пред се интересите на Македонските граѓани, во 2022 година треба и мора да се однесува достојна и особено одговорна на современите предизвици и премрежја.
Тоа подразбира многу знаење, трпение, мудрост, стратешка визија а не се помалку важни и жртвите кои што треба да се направат, кон наредното скалило на опстанок и просперитет на Македонските граѓани. А жртви се направени многу, како од народот, така и од раководството на ВМРО-ДПМНЕ како негов политички репрезент, било за тоа да дознала јавноста или инкогнито.
Продолжува:
Пишува: Кирчо Анастасов
