Владата на Р.Македонија на последната седница го додели земјиштето кое е предвидено за изградба на детска градинка во сопственост на Општина Штип. Со овој чекор формално-правно се исполнети условите за почеток на изградба на новата детска градника.
Градоначалникот Благој Бочварски изјави:
-Ова е уште еден чекор во насока на изградба на еден од најголемите капитални проекти којшто го ветивме во предизборната кампања и со кој посебно се гордееме. Токму затоа ја информирам јавноста дека се работи за парцела од 5518 м2 каде што ќе се изгради градинка за околу 200 дечиња.
После добивање на земјиштето следен чекор е добивање на финансиски средсва за кои градоначалникот Бочварски изјави:
-Наредниот чекор е да ги добиеме средствата кои се веќе изгласани на источен плански регион од околу 16.000.000.00 денари, а Општина Штип ќе го покрие остатокот од својот буџет со нешто повеќе од 20.000.000.00 денари. Очекувам во април месец да дојде одлуката за овие средства и ние во најскоро можен период ќе распишеме тендер за изведувач на детската градинка
