Во едно интервју на Summit Series, извршниот директор на Амазон, Џеф Безос, споделил некои од неговите одлуки и навики кои придонеле за неговиот успех.
На пример, тој никогаш не врши повеќе работи во исто време. „Ако ја читам мојата е-пошта, сакам да ја читам мојата е-пошта.“ рече тој.
Тој рече дека го создал Амазон и дека ќе жалел до крајот на животот ако не се обидел.
Џеф Безос е најбогатиот човек во светот. Извршниот директор на Амазон го основал и The Washington Post, како и воздушната компанија Blue Origin.
За време на интервјуто на Summit Series, во Лос Анџелес во ноември, Безос откри неколку тајни за неговата слава и богатство. Techcrunch објави дел од овој разговор, а подолу се заокружени главните точки.
Изборот на вистинскиот партнер бил важен за успехот на Џеф Безос
Џеф и Мекензи Безос 24 години се во брак. Тие се сретнале кога Безос ја интервјуирал Мекензи во фирмата за инвестициски менаџмент, D.E.Shaw.
По серија на средби со други луѓе, Безос рекол дека го нашол својот животен партнер. „Сакав некој што може да ме извади од „затворот на третиот свет“ рече тој на Самитот.
Избегнувајте мултитаскинг за да бидете успешни
„Кога вечерам со пријателите или фамилијата сакам да бидам посветен на тоа“ рече Безос. „Не сакам да извршувам повеќе работи во исто време. Ако ја читам мојата е-пошта, сакам да ја читам мојата е-пошта“ со целосно внимание и енергија.
Всушност, научниците тврдат дека околу 2% од популацијата е способна за мултитаскинг. А, за останатите кои се трудат да вршат повеќе работи во исто време, е контрапродуктивно.
Да го препознаеш својот талент
„Имам желба да бидам бармен“ рече Безос. „Се гордеам со моите коктели“. Но, Безос призна дека е многу бавен. Во неговиот имагинарен бар би имало знак на кој ќе пишува „Дали сакате да биде добро или да биде брзо?“
Да избереш авантура наместо леснотија
Безос вели дека секој има две опции за да си ја креира својата „животна приказна.“ Или ќе изберете живот во „леснотија и удобност“ или живот во „посветеност и авантура.“ Безос е јасен во однос на тоа кој е вистинскиот избор: Тој вели дека секој треба да биде горд на својот авантуристички живот кога ќе има 80 години.
Безос ја враќа „рамката за минимизирање на поплаки“ која тој ја спомена на Самитот. Во често споменатото интервју, кое се чини дека е спроведено од страна на Академијата за Достигнувања, Безос ја опишува неговата одлука за основање на Амазон:
„Знам дека кога би имал 80 години нема да жалам за тоа што го започнав ова. Не би жалел што се обидов да учествувам во оваа работа наречена Интернет, за која мислев дека ќе биде навистина голема работа. Знаев дека ако не успеев, не би жалел за тоа.“
„Но, знам една работа за која можев да жалам е ако никогаш не започнев. Знам дека тоа ќе ме прогонуваше секој ден.“
