По благослов на Неговото Високо Преосвештенство Митрополитот Повардарски Агатангел денеска во Велес започна света литија во борба против пандемијата со Коронавирусот.
Низ улиците на Вес можеше да се забележи товарно возило со свештени лица со икони и знамиња во рацете како со света вода и со молитва ги крстосуваа улиците. Оваа активност на свештениците ќе се спроведе во цела Повардарската епархија.
Во продолжение го пренесуваме соопштението објавено од страна на епархијата во јавност:
“Следејќи ја традицијата на Светата Православна Црква, кога за време на војни, суша, земјотреси, епидемии и други несреќи, во минатото биле спроведувани литии со икони, крстови, света вода и свети мошти, со благослов на Неговото Високопреосвештенство Митрополитот Повардарски г. Агатангел, денес, во сите градови и населени места од Повардарската епархија со света вода беа попрскани улиците, беше прочитана молитва и беше побарано благослов од Бога за престанок на глобалната пандемија и на погубната зараза. Следејќи ги препораките од државните органи, за да не се собира голем број на народ, Митрополитот Повардарски г. Агатангел, благослови овој чин свештенството да го отслужи во движење, со помош на возила, што е редовна пракса при вакви вонредни состојби и во други држави и помесни Православни цркви.
Бог да ја благослови нашата татковина Македонија и нека ги штити од разни болести и зарази сите оние кои живеат во неа.
-извор: Повардарска епархија
