Како и што се најави претходно, Македонците од Европа го одржаа својот протест против политиките на ЕУ и нејзината подршка за изборниот фалсификат како и уценувачките услови во случајот со преговорите со Македонија.
И покрај неповолната здравствена ситуација поврзана со забрана на патувања, повеќе десетици Македонци дојдени од Швајцарија , Белгија, Англија, со песни и револт го искажа својот гнев но и желба за продолжување на борбата за македонските вистини и неправди.
Пораките кои беа упатени на протестот беа од типот “Никогаш северна, секогаш Македонија”; “ЕУ поддржува изборен фалсификат”; “Ние сме Македонци”; “Стоп за предавничката анти-македонска влада”;…. кои можеа да се видат испишани на натписите од вчерашниот собир. Во таа прилика протестни писма беа адресирани до најодговорните личности и органи на Европската Унија во врска со нелегалните избори пресликани преку изборен фалсификат како и притисоците на земја членка на ЕУ за поништување на Македонскиот јазик, Македонската историја и воопшто Македонскиот идентитет.
Брисел , 19 септември , 2020 година
Кооординативно тело на Македонците во Европа
