Од добро информирани извори во Министерството за надворешни работи на Русија, како и директни контакти со дел од увозниците на Македонски производи во Русија дознаваме шокантни информации.
Имено станува збор за обиди за шверц на полски и грчки земјоделски производи-претежно овошје кои се препакуваат во Македонија и се пласираат со македонски декларации во Русија.
Минатата недела известивме дека Русија го стопирала увозот на контингент со земјоделски производи од Македонија наводно поради терминот на “с” кој стоел пред името Македонија, но вистинската причина бил ваквиот безобразен обид да се шверцуваат неквалитетни земјоделски производи под името за потекло на производите МАКЕДОНИЈА.
Се очекува потврда на овие информации од официјални органи и доколку има вистина, во ваквите тврдења, одговорните лица би требало да сносат соодветна одговорност.
Квалитетот на Македонските земјоделски производи традиционално котира високо на рускиот пазар а вистинскиот проблем е што нема доволен квантитет за постигање на продлабочена соработка меѓу Македонските и Руските фирми,
-брифираат луѓе од економската сфера во оваа дејност во Русија.
