Во пресрет на парламентарните предвремени избори што ќе се одржат на 15 јули годинава , ангажираноста на секој Македонец е од несомнено големо значење .
Во овие мигови на политички избор, во кој се крои и зависи иднината на македонската држава, неминовно е покажување на голем степен на созреаност и обединувачки сенс во интерес на македонската национална кауза.
Македонците во Македонија како и оние во светот, како никогаш досега се исправени пред големиот испит на идната национална судбина .
Злото надвиснато над Македонија од 2016 година , премногу трае и бара неминовно негово отстранување од политичката сцена .
Еден од начините е преку учеството на изборите и гласање за програмските определби и заложби на македонските партии во кои транспарентно и недвосмислено се залагат за поништување на северната вештачка творба како и раскинување на договорите склучени од неа, Преспанскиот договор со Грција, “добрососедскиот “договор со Бугарија , Тиранската платформа како и менувањето на уставот.
Целта е создавање на услови за пад на с….творба и можност за формирање на Татковинска македонска патриотска влада што ќе ги започне процесите на возвраќање на вредностите на македонската национална држава.
Во тој контекст и Македонците во светот ќе можат да го најдат своето заслужено место во толку посакуваната своја татковина и да влијат на нејзината судбина.
Со почит,
Координативно тело на Македонците во Европа, Австралија , Канада .
9 јули 2020, Женева, Лондон, Торонто, Мелбурн
