Во организација на Македонскиот национален совет кој што е чадор организација на најголемиот број на формални и неформални организации на Македонците во Швајцарија, во понеделник на 23 ноември во Берн ќе се одржи протест на Македонците против сите преговори против Македонскиот идентитет.
Во продолжение во целост го пренесуваме соопштението на МНС- Швајцарија:
“Протест на Македонците во Швајцарија
Прекинување на сите преговори против македонскиот идентитет, јазик и име, понижувањата, продавањето и негирањето на македонските национални атрибути и вредности, од страна на нашите соседи, продолжува и денес во 21 век.
Македонците во борбата за своите правдини секогаш се бореле со достоинство и респект како во Македонија , така и надвор од неа.
Така и денес, Македонците во Швајцарија , со горчина и гнев се спротивставуваат на сите неправедни и нелегитимни договори склучени со соседите, од насилно инсталираната северна политичка гарнитура .
Прекинување на преговорите со Бугарија и истовремено поништување на истоимениот договор, како и на Преспанскиот со Грција.
Се повикуваат сите Македонци кои се спротивставуваат на горенаведените договори како и од политиките на сегашнава “влада” на Протест во Берн.
Место: Casinoplatz, Bern,
Датум: Понеделник, 23 ноември, 2020 година , 15ч-16ч30.
Македонски Национален Совет- Швајцарија”
