Порази, сиромаштија, несигурност може да се прочита на лицата на секој просечен Македонец во сите делови на Македонија. Ветениот живот од 2016 година до денес доживеа повеќекратна девалвација и се претвори во најсуров кошмар кој никако да престане.
Македонија е пред социјален крах покрај здравствениот колапс и гетоизацијата на Македонските граѓани во рамки на Македонските граници во однос на можностите за слободно движење и проток на трговски стоки, знаење и вредности воопшто.
Политичкиот прогон на неистомислениците со власта од страна на партизираните институции ја доживува својата ренесанса до невидени граници.
Голема група на граѓани во Македонија се чувствуваат несигурно, со неизвесна иднина, прогонети, отфрлени од институциите и дискриминирани по повеќе основи.
Меѓународната изолација на актуелното политичко раководство на Македонија е порака која што само политички полтрони и платеници на власта не ја гледаат и не ја дискутураат во јавноста. Причините за изолираноста на Зоран Заев заедно со целокупната негова т.н дипломатија се повеќеслојни и комплексни а последиците се катастрофални за целокупната Македонска економија, демократски капацитет и уставно-превен поредок во државата.
Во вакви услови борбата за гол опстанок на голем број граѓани е на удар од режимот.
Државата под контрола на Зоран Заев удира по оваа голема група на граѓани тогаш кога е најтешко. Ваквото ѕверско изживување на институциите под диктат на власта предводена од СДСМ е јасен сигнал за хаосот и паниката во која се наоѓа самата власт.
Повеќе од јасно е дека е започнат конечниот пад на Зоран Заев.
Останува да се надеваме при тој пад штетите врз народот и државата да бидат минимизирани.
Транзицијата на власта при тоа треба да биде максимално демократска со моќта на вистината и аргументите, да се воспостави нова власт која ќе започне од пепелот што зад себе го остава Зоран Заев како челник на актуелната власт да ја издигне Македонија и Македонскиот народ на едно поблагопријатно ниво на живот.
Во спротивно секое поразлично сценарио од вистински дисплеј на демократијата ќе значи пролонгирање на хаосот на Зоран Заев и продлабочување на маките на овој напатен народ.
Пишува: Анастасов Кирчо
