Протест на ВМРО-ДПМНЕ против неправди, реваншизам и насилство на мафијата на Заев

Опозициската ВМРО-ДПМНЕ утре повторно излегува на протест по улиците во Скопје.

Во повикот до јавноста стои дека наместо да се справи со криминалот како што ветуваа пред 4 години, актуелната власт се претворила во мафија.

Овој аргумент е главната причина за организација на овој протес кој што е најавен за среда. 23.09.2020 година со почеток во 18.30 часот на релација Министерство за правда до Кривичниот суд во Скопје.

“Поминаа неколку дена, има ли осомничени за крвавите шипки по главата на критичар на власта?

Поминаа 4 години, оваа иста, стара и потрошена влада направи ли вистинска борба против криминалот и корупцијата или станаа мафија?

Кога Луј Витон судството носи “трас-трас” одлуки кои ги диктира Заев
Кога критички новинари се тепаат
Кога шипките и тупаниците се одговор кон критичарите и опозицијата
Кога за убиство во сообраќајка се добива само условна осуда
Кога медиуми се напаѓаат, етикетираат, прогласуваат за “државни непријатели” за да се уценуваат нивните сопственици
Кога власта врши прогон кон медиуми и ВМРО-ДПМНЕ за законско рекламирање, а молчи што стотици илјади евра остануваат непокриени во извештаите на СДСМ, а обвинителството тоа не сака свесно да го види
Кога обвинителството е ревносно за опозицијата која критикува, а преспива огромни и еклатантни случаи на криминал
Кога мајка оди во затвор затоа што купила државен автомобил кој и сега го користи мафијата, а во исто време троши 8 милиони евра за набавка на нови службени возила истата таа мафија
Кога мафијата станува држава, а ВМРО-ДПМНЕ им е трн во око, затоа што мафијата сака да контролира две партии
Кога невини се во затвори затоа што ја сакаат Македонија, а нивните семејства страдаат
Кога судството го штити криминалот
Кога обвинителството молчи за рекетот, панамските пари и бизнис зделки на Заев-Дака за милионски бизниси во Тетово
Кога обвинителството не сака да го види криминалот во ЕуростандардОдговорот е ПРОТЕСТ.

ПРОТЕСТ против неправди, реваншизам и насилство на мафијата на Заев.

Среда во 18.30 часот, од министерството за (не)правда до Основен суд 1.

За правда која ќе стигне до сите, безусловно.
Се гледаме!”

-стои во повикот н ВМРО-ДПМНЕ до Македонските граѓани.