Се навршуваат две години откако македонските власти престанаа да финансираат испраќање на наставници по Македонски јазик за македонците во Швајцарија. Оттогаш нашинците кои живеат и работат во Швајцарија во сопствена режија се снаоѓаат какко знаат и умеат за да обезбедат наставници за настава на Македонски јазик за македонските ученици во оваа држава.
Денеска од страна на координативното тело на заедницата на училишта на Македонците во Швајцарија во јавноста соопштија убава вест дека и оваа година продолжува изучувањето на Македонскиот јазик од страна на учениците во Швајцарија и покрај целосната изолација од страна на МАкедонија и Македонските институции.
“Успешен почеток на новата школска година по македонски јазик во Швајцарија
Веќе неколку седмици откако се започна со наставата по македонски јазик во Швајцарија , Романди. Засега успешно се отпочна со продолжувањето на дополнителната настава со паралелките во Веве и Женева.
По тој повод се одржа и редовен состанок со родителите, каде се дискутираа прашања поврзани со организацијата , финансирањето и јавните настани за оваа школска учебна година.
За одбележување е вистинската енергија и мотив кај учениците и родителите, кои настојуваат да ја продолжат наставата во услови на целосна изолација од матичната држава и нејзините институции.
Прашањето поврзано со не испраќањето наставник и натаму останува актуелно веќе две години и воопшто не се знае кога и дали ќе пристигне.
До тогаш, да продолжиме во најблагодарната работа за ширење и учење на македонскиот јазик, култура и традиција!”
-соопштија од заедницата на училишта на Македонците во Швајцарија во јавноста.


