Претседателот на ВМРО-ДПМНЕ Христијан Мицкоски по обидите на актуелната власт да ја обезвреднат иницијативата на ВМРО_ДПМНЕ за реализација на лидерска средба на која би се разговарало за катастрофалната состојба на сите полиња во државата упати своја реакција во јавноста со која ги потенцира своите претходно завземени ставови.
За Мицкоски и опозиционата ВМРО-ДПМНЕ, Стево Пендаровски го има загубено кредибилитетот за организирање на лидерски средби, по низа скандали во неговото работење, вклучувајќи ги сведочењето на реисот и доделувањето на мандатот на Зоран Заев, без доказ за поседување на парламентарно мнозинство, според кои постапки ВМРО-ДПМНЕ ги има замрзнато односите со Пендаровски, соопштува Мицкоски.
“Средба кај Претседател кој е без свој став или следи став на еден политичар, не прифаќаме.
Барав и барам средба со лидерите на партиите од власта и опозицијата, на која ќе се дискутира за спорот со Бугарија, бидејќи јавноста и опозицијата не смеат целосно да се исклучени од овој процес. Да дискутираме и за: ⁃ исклучително лошата состојба со корона кризата; ⁃ потребата за техничка влада по дебаклите на Владата; ⁃ екстремно лошата економска ситуација;Веќе немаме години за губење.
Скапоцено време за граѓаните и државата. Заев одбиваше лидерска средба, па го промени мислењето. И напоменувам дека ова не е првпат. Но, неоправдана суета и галопирана неспособност на еден човек не може да држи во заложништво цела држава.
И на крај, Заев заборава дека насилната промена на уставното име е почетокот на отварањето на пандорината кутија. Секое нејзино подотварање денес е еквивалент на некоја нова национална катастрофа!”
-дециден е Мицкоски со што јасно ги оцртува позициите на опозициската ВМРО-ДПМНЕ на бедемот за одбрана на Македонските национални интереси.
