Проектот кој што неистомисленицита на турскиот претседател Рееп Теип Ердоган го нарекуваат како луда идеј започна да се гради на крајбрежјето на Мраморното море. На лице место веќе можат да се забележат габаритни градежни машини кои што ги извршуваат подготвителните земјани работи за реализација на проектот со кој што ќе се поврзе Црното море со Мраморното море низ Истамбул. Каналот кој што беше мегаломански најавен пред нецела година е предвидено да биде со должина од 45 километри, ширина од 275 метри и длабочина на морско огледаало од 21 метар. Долж каналот е предвидено да бидат изградени 6 огромни мостови преку кои што ќе се одвива комуникацијата на двата брегови на Истамбул.

Според властите на Турција каналот “Истамбул” значително ќе придонесе кон кон светската мрежа за транспорт, трговија и логистика, како и за обезбедување на безбедноста на Босфорот.
Градбата на самиот канал е предвидено да трае 6 години и ќе чини 15 милијарди долари. Изградбата на каналот ќе се финансира по системот ”Изгради, Искористи, Предај”,така што од државната каса нема да се зафаќаат финансиски сретства потребни за реализацијата на овој милениумски проект.
Ердоган полага голема надеж во економското заздравување и подем на Турција како резултат на ефектите од реализацијата на самиот проект кој што е пандан на Босфорскиот теснец/канал преку кој што моментално се одвива целокупната комуникација по воден пат меѓу Русија и крајбрежјето на целото Црно Море, а Турција од тоа нема никаков финансиски бенефит.
Опозицијата во Турција овој проект го нарекува предизборен маркетинг на Ердоган. Голем број на експерти стравуваат за последиците од овој огромен проект во сите сфери на влијание. Жители на Истамбул не се согласуваат дека во време на светска финансиска криза предизвикана од пандемијата со Ковид-19 треба пари да се трошат на еден ваков мегаломански проект. Веќе се организирани разно-разни движења кои имаа свои протести пред започнувањето на градбата на проектот.
Дали каналот Истамбул ќе се реализира во наредниот период останува да видиме, но едно е сигурно, после реализацијата на овој проект на Ердоган регионот нема да биде ист.


