Секоја година традиционално во Руан, Франција се организира прослава по повод Св. Горгон на која што активно учество од 2008-2009 година имаат и Македонците од здружението “Илинден 1903”.
Самата прослава е во организација на општината Кантеле (Canteleu) која што брои некаде околу 15 илјади жители. Директните подготовки за прославата оваа година траеја три денови но самиот настан се подготвува неколку месеци со целата негова логистика.
Како што не информираше Претседателот на здружението “Илинден 1903” Смиле Петровски завршниот дел од настанот т.е. самата манифестација се одржа во сабота 12.09.2020 година во еден од парковите во Кантеле во текот на целиот ден. Во периодот помеѓу 15.30 и 20.30 на настанот имало музика за помладите а на еден од поставените шатори била нудена македонска храна за поситителите на самиот настан.
Во минатите години овој настан се реализирал со повеќе различни содржини (културно-уметничка програма, спортски настани итн) но оваа година поради пандемијата од Ковит-19 самиот настан бил со редуцирани содржини но сепак се одржал со многу внимание и добра организациска подготовка од страна на надлежните.
Во реализацијата на настанот биле вклучени целата администрација во општината како и поголеми безбедносни сили како поради корона вирусот така и поради безбедност поради терористички закани.
Овој настан традиционално секоја година е добра можност за Македонската заедница да ги афирмира сопствените идентитетски обележја и вредности.
Во цела Франција, како што не информираше нашиот соговорник Петровски кој што е по потекло од Скопје а веќе долги години живее и работи во Франција, активни се само две Македонски здруженија кои што работат на негување и зачувување на Македонските вредности.
Ваквата организациона поставеност секако во иднина треба да се подобри со што Македонците ќе имаат можност за општествена и културна афирмација во местата на свое живеење во Франција.
